Австралийн цаг уурын судалгааны хараат бус байгууллага болох Breakthrough — National Centre for Climate Restoratio 2050 оноос эхлэн соёл иргэншил цаг уурын нөлөөллөөр сүйтгэгдэж эхлэх тул цаг уурын өөрчлөлттэй тэмцэхийн тулд бүх хүчээ дайчлахыг дэлхий дахинд уриалжээ. Энэ байгууллагад эрдэмтэд, улс төрчид, олон нийтийн зүтгэлтнүүд багтах бөгөөд тэд 2014 оноос эхлэн дэлхийн цаг уурын өөрчлөлтийн асуудал дээр анхаарал тавин ажиллаж байгаа юм байна.  

Тэдний хамгийн сүүлд гаргасан илтгэлд  2050 он гэхэд хүн төрөлхтний амьдрах ихээхэн өөрчлөгдөнө гэжээ.  

Илтгэлийн гол зохиогч болох, Австралийн батлан хамгаалахын сайд асан Крис Барригийн өгүүлснээр 2050 он гэхэд хүн төрөлхтөн сүүлийн мянган жилүүдэд тулгарч байгаагүй “аюултай нөхцөл байдал үүсэх” гэнэ.

Түүний үзэж байгаагаар хүн төрөлхтөн хэвийн био мандлын сүйрэл рүү алхаж байгаагийн дээр хэдхэн жилийн дараагаас хүн амьдрах боломжгүй болсон газруудаас хүмүүс олноор нүүдэллэн, цэвэр усны дутагдалтай нүүр тулж болзошгүй юм байна.  

Хөдөө аж ахуйн үр өгөөж эрс муудаж, үржил шимтэй халуун орны бүсүүд цаашид ашиглагдах боломжгүй болно гэж илтгэлийн зохиогчид үзэж байна. Энэ сүйрлээс урьдчилан сэргийлэх цорын ганц арга нь дэлхий нийтээрээ хүчээ дайчлах явдал гэдгийг илтгэлд онцолжээ.  

Г.Бямбасүрэн