Австралийн аялал жуучлалын гол бүс гэгддэг Квийнслэнд аралд амарч байсан иргэд рүү махчин загас дайрах нь нэмэгдсэн талаар “Ройтерс” агентлаг мэдээллээ.

24 цагийн дотор хоёр жуулчин махчин загасны дайралтад өртөж, хүндээр шархаджээ. Махчин загас өчигдөр 17.00 цагийн орчимд 13 настай охин руу дайрч, баруун хөлийг нь гэмтээсэн байна. Охин орон нутгийн эмнэлэгт хүргэгдэж, яаралтай хагалгаа хийлгэсэн гэнэ.

Уг үйл явдлын дараа эрх баригчид амарч буй иргэдийг эргээс холдохгүй, голын ус руу орохгүй байхыг уриалжээ.

Мөн зарим бүс нутагт хөл хорио тогтоож, төмөр хаалт байршуулсан байна. Махчин загасаас болж, тус арлыг зорих жуулчдын тоо эрс багассан талаар бизнес эрхлэгчид дуулгав. 

Энэ онд 14 хүн махчин загасны дайралтад өртсөн ба 30 настай эмэгтэй амиа алджээ.

Б.Дэлгэрцэцэг